自從加入了 Buyandship 的獨家分享平台 Buyaholic，每日都被數萬會員分享戰利品吸引到買不停手，各種好物筍貨推介幫你慳盡差價，滿滿的購物靈感隨時擁有！今日小編就為大家回顧會員以往人氣零食分享，包括大大包食唔停南風堂豆菓子、鬆脆又唔會太甜嘅札幌農學校牛油曲奇、近期會員爆買海之太陽原隻燒元貝乾等，馬上來看看吧～
Buyaholic會員開箱分享
– 南風堂豆菓子 –
會員分享：南風堂豆菓子真係食唔停口，第二次買喇！今次買 1kg，分開一袋袋送俾朋友。以前係香港一田見到類似嘅豆豆都好貴，唔會捨得買，但自從谷友介紹南風堂後就可以好大口大口咁食嘢～
– 札幌農學校 牛油曲奇 –
會員分享：之前有同事去完北海道，買左呢個做手信，太好味喇！要自己上樂天買嚟安哥，好鬆脆又唔會話太甜，年紀大啲都岩食～
有時晏晝未收工又肚餓，食一兩塊啱啱好，獨立包裝又可以保持新鮮爽脆，慢慢食都得。我買咗盒 24 塊嘅番公司，比啲同事搶晒嚟食，仲話咁方便，洗乜等去日本先買！
– 海之太陽 燒元貝乾 –
會員分享：近期有好多會員都買呢個燒元貝，自己都跟著買咗！味道真係唔錯，¥1330 有 10 包，雖然好平，但係好快就食完，因為太好食喇～ 口感不會太韌，味道濃郁而唔會過鹹，值得一試！
– GOUTER de ROI 經典法包脆餅禮盒裝 –
會員分享：呢個法國脆餅小食一向都好出名，每次見到有人分享都好有衝動買嚟食，但又懶得自己買就試下用輕鬆購買落單，比完錢唔洗申報，un un 腳等合併收貨就搞掂，勁方便！
講返個脆餅真係幾好食，外層甜甜地，一咬超脆口，好香牛油味，好似話日本皇室都有食，成件事再高級咗！
– 三州製菓 意大利麵小食套裝 –
會員分享：之前去朋友屋企飲酒，佢俾咗依款小食我試，一試真係叔叔不行了！太好味，好脆好濃郁好入味，而且食落感覺冇食薯片炸雞咁有邪惡感。
買夠佢九隻味慢慢試，紀州梅鹽味就一定要試，因為係季節限定！ 蝦鹽味、黑胡椒同蕃茄味都好正，好岩送酒～ 我建議大家試晒佢 9 款口味，再回購某啲款，細細包又健康過好多零食，仲要唔貴～