澳洲網購全攻略！同款產品差價分析！

點擊閱讀：澳洲10大必買品牌手信推介2023!

萬眾期待嘅澳洲轉運服務已經正式推出！大家除咗可以買到美英日韓台嘅產品之外，而家仲可以買盡澳洲，諗起都開心呀！有新服務投入，小編當然都要為大家講解一下各個注意事項，以及到底有咩抵買有咩著數，立即為大家獻上史上最強嘅澳洲網購全攻略！

1. 留意貨幣及匯率

買嘢最緊要梗係睇價錢，澳元嘅貨幣符號為 「AUD$」，不過簡寫就同美金以及港幣一樣都係「$」，買嘢嘅時候記得睇清楚自己係咪睇緊澳洲當地嘅網店喇！而匯率方面，AUD$1 約等於 HK$5.6，網購前可先以匯率計算器兌換，亦要留意銀行所收取嘅手續費。

2. 留意時差

想成功搶購限量產品，又或者想喺優惠完結前買到心頭好，咁就記得要留意網店所在時區同香港之間嘅時差喇。以澳洲首都坎培拉為例，同香港時差為比香港快 3 小時，而因為澳洲亦有夏令時間之分，唔想麻煩嘅當然都係靠 Google 大神啦～

3. 留意澳洲折扣日

澳洲大型折扣日主要有兩個，首先係 6 月份嘅年中折扣，然後就到年尾 12月 26日嘅 Boxing Day Sale！不過澳洲有咁多網店，又點會只係得呢兩個日子做優惠呢，記得要 Mark 實 Buyandship 嘅每日推薦，再 Like 埋我哋 Facebook 專頁，咁就唔會錯過任何抵 Deal 啦！

4. 參考澳洲精選購物網站

其實澳洲都一樣有好多嘢抵買又好用，如果你對澳洲網店或者品牌都唔係咁熟悉的話，除咗可以睇我哋嘅每日推薦，亦可以睇睇我哋嘅澳洲精選購物網站，無論係時尚服飾、化妝品、保健品等網店都一應俱全，等大家買得更順手！

5. 留意免運門檻

澳洲網店嘅本地運費一般都比較貴，平的話 AUD$5，貴的話會收成 AUD$15 Shipping Fee 架！所以大家喺澳洲網店買嘢時記得留意免運門檻，買夠可以 Free Shipping 就抵好多啦！

6. 地址填寫方式

地址填寫方式同一般外國網店都係大同小異，相信對於網購開嘅你哋嚟講絕對冇難度！其實只要根據我哋「海外倉庫地址」一頁所提供嘅地址嚟填寫就可以，記得記得要填上你嘅 User ID！另外，亦要留意係輸入倉庫地址嘅 Postcode 「2211」時，網站有機會列出「Padstow」以及「Padstow Heights」兩個選項，記得我哋倉庫係位於「Padstow」區，唔好揀錯呀！

7. 留意貨件限制

所有含有電池嘅貨件都係禁止轉運架，大家記得唔好買呢類型嘅貨品喇！而大小方面，澳洲倉庫嘅限制為長闊高其中一邊不可超過 50CM、或長闊高三邊總和不可超過 100CM，落單前記得睇清楚貨件包裝後嘅大小，如果唔清楚就記得問問賣家。所有超出限制嘅貨件都會標示為問題件及以退件處理架！

8. 付款方式

經小編測試後，絕大部分澳洲網店都係可以海外信用卡付款，毋須特別手續。如未能以信用卡付款的話，亦可嘗試以 Paypal 付款。

9. 申報貨件

賣家發貨後亦會提供 Tracking No.，呢個時候記得要上返 Buyandship 網站進行申報。澳洲主要嘅運輸公司有 Australia Post、TNT、Fastway、StarTrack 等等，如果你唔清楚由邊間公司派送的話，申報時選「其他快遞」即可。

睇完攻略，相信唔少人都會問，到底澳洲有咩買？除咗袋鼠之外仲有啲咩出名嘢？同其他國家一樣，買 Local 嘢都係去返當地網店買先係最抵！包括香港人非常熟悉嘅多款澳洲保健品，網購價比起香港門市平一半有多架！小編精選以下幾款產品，等大家感受一下到底差價可以有幾大，至於想買更多好嘢，梗係要繼續留意我哋嘅介紹啦！