仲靠代購買 Zozotown？Amazon Pay 付款教學最強攻略！
雖然話買日牌有好多個網可以揀，但點都係覺得 Zozotown 先係有齊咁多個牌子兼最齊款嘅網站！網站已經唔接受外國信用卡，早前仲無埋 Line Pay，真係令一眾日牌愛好者非常頭痛。不過，我哋就發現其實都仲有方法可以用外國信用卡於 Zozotown 購物，而您所需要嘅只係一個日本 Amazon 戶口！即刻睇睇我哋為大家準備嘅付款教學啦！
由於 Amazon JP 有英文版本，點樣申請會員就不多作介紹，自己上去申請啦！
登記日本 Amazon 帳號：http://amzn.to/2DYjOxj
即上日本 ZozoTown 選購心水產品：http://bit.ly/2DzsJsk
＊以下建議的購買方法，有涉及被賣家 Block 信用卡、Amazon JP 及 Zozotown 帳戶的風險，請購買前自行衡量。＊
申請好 Amazon JP 戶口就可以去 Zozotown 網站買嘢喇！記得係唔需要登入 Zozotown 帳戶，直接揀買咩就可以喇！
揀啱產品就將佢放入購物車，如果顯示為「完売しました」的話即貨品缺貨，下次記得快手啲喇～
將貨品放入購物車後會自動跳入結帳頁面，呢個時候就揀選最底一項以 Amazon Pay 付款。注意此付款方式不適用於預約商品。
輸入您嘅 Amazon JP 帳號及密碼，按黃色按鈕登入。
然後會自動跳轉到呢個頁面，如果未喺 Amazon 加入日本倉庫地址的話可按紅色箭嘴「新規追加」嚟加返倉庫地址。
倉庫地址填寫方式如下，謹記於「氏名」一欄填上收件人姓名以及BS開首嘅會員編號，否則無法認領貨件！填妥後按黃色按鈕。倉庫地址可於「海外倉庫地址」一頁複製：http://bit.ly/1JAIUwe
輸入信用卡資料後按黃色按鈕確認。
入好所有資料後就會出現呢個頁面，確定所有資料正確後就可以按「注文確定」，咁就落到單架喇！
成功落單，收到 Tracking No. 後記得上返「貨件申報管理」申報貨件喇～
＊以下建議的購買方法，有涉及被賣家 Block 信用卡、Amazon JP 及 Zozotown 帳戶的風險，請購買前自行衡量。＊