## 重要的放在前面 ##
BuyandShip 會於香港時間3月30日凌晨零時起更改為實重收費，於3月30日凌晨零時後到達香港的自動轉運貨件，或合併集運的訂單會以實重計算收費。之前到達的自動轉運貨件或合併集運訂單會以舊有收費方式計算。
## 分隔線 ##
小編收到風我地終於有實重收費啦！關於收費方面，一直都好有多客人反映希望有改以實重收費，經過團隊各方面配合同大家既念力支持，終於可以落實用啦。
預告定比大家有個心理準備，我地3月30號凌晨0:00系統就會更新收費，所以3月30凌晨0:00集運既貨件，或者之後到港既自動轉運貨件，就會改用實重計算費用。
詳細收費表：
呢個價錢肯定唔會係市場上最便宜既收費，但用開BuyandShip 既朋友都知道，我地一直唔係以價格取勝，而係出庫次數、轉運時間甚至本地取件派送上面，提供高質素又穩定既服務俾大家。（小編心聲：質素既野我諗買開外國野既你都會好明白，如果唔係我地應該要轉行做淘寶集運）
所以就算改為實重收費，但一定唔會影響 / 降低轉運時間。美國仍然會維持一周出庫4次，而日本未來亦都會由每周2次增加為每周4次。
咁到底實重收費差幾遠？
例子：假如買對一鞋波鞋，實重係2磅，體積重係6磅。
以往收費會係以體積上限收取費用：2 x 1.5 = 3磅 （最後會收取 3磅 X 24，即 HK$72；如果收足體積重 6磅 X 24，即 HK$144）。更改後以實重收取費用，所以直接收取 2磅價錢，即 HK$55，咁就更加抵用。
另外實重收費既好處係，如果大家買野果時已經知道貨件大概重量，咁對於運費就會有一定既預算。
小編帶定頭盔先！因為經過復活節貨量本身已經都多好多，所以3月30凌晨集運既貨件，我地盡量會安排3月31日前到自提點，但希望大家到時體諒我地，如果真係遲左一日唔好怪我地啦！